«Жемқорлықсыз ел – ертеңгі болашақ» тақырыбында жасөспірімдермен кездесу ұйымдастырылды.

«Жемқорлықсыз ел – ертеңгі болашақ» атты кездесу өтті.

Жасөспірімдер арасында құқықтық мәдениетті қалыптастыру және сыбайлас жемқорлыққа қарсы көзқарасты нығайту мақсатында «Жемқорлықсыз ел – ертеңгі болашақ» тақырыбында кездесу ұйымдастырылды.

Шараның негізгі мақсаты – жастарды әділдік пен адалдыққа тәрбиелеу, олардың бойында жауапкершілік сезімін арттыру және қоғамда жемқорлыққа қарсы күрестің маңыздылығын түсіндіру болды.

Кездесу барысында қатысушыларға сыбайлас жемқорлықтың қоғам дамуына тигізетін теріс әсерлері жайлы ақпарат беріліп, заң талаптарына бағыну, өз құқығын білу және әділдікті сақтаудың маңыздылығы талқыланды. Жастармен еркін пікірталас жүргізіліп, олар өз ойларын ортаға салып, жемқорлықты болдырмау жолдарына қатысты ұсыныстарын білдірді.

Сонымен қатар, кездесуде адал еңбек етіп, білімге ұмтылу – болашақта сыбайлас жемқорлықсыз қоғам қалыптастырудың басты кепілі екендігі ерекше аталып өтті. Іс-шара жасөспірімдерге үлкен ой салып, олардың азаматтық ұстанымдарын нығайта түсті.