«Жастармен жұмыс жасаудың заманауи тәсілдері» тақырыбында біліктілікті арттыру семинары өткізілді.

Жамбыл ауданы Жастар ресурстық орталығы КММ-нің ұйымдастыруымен және Жамбыл ауданы мемлекеттік архивінің архившісі А.Торетаеваның қатысуымен «Жастармен жұмыс жасаудың заманауи тәсілдері» тақырыбында біліктілікті арттыру семинары өткізілді.

Аталған семинардың мақсаты – жастармен жұмыс жүргізуде заманауи әдіс-тәсілдерді тиімді қолдану, мамандардың кәсіби біліктілігін арттыру және тәжірибе алмасу болып табылады.

Семинар барысында қатысушыларға жастар саясатын жүзеге асырудағы жаңа бағыттар, ақпараттық мониторинг жүргізу ерекшеліктері, құқықтық жұмыстарды ұйымдастыру жолдары түсіндірілді. Сонымен қатар, архив саласының маңыздылығы, құжаттарды дұрыс сақтау мен рәсімдеу тәртібі туралы да кеңінен ақпарат берілді.

Іс-шара барысында қатысушылар өзара пікір алмасып, қойылған сұрақтарына нақты жауаптар алды. Семинар интерактивті форматта өтіп, қатысушылардың белсенділігі жоғары болды.