«CAKE LAND» — ТӘТТІ ЖЕҢІСТЕР МЕКЕНІ!

«CAKE LAND» — ТӘТТІ ЖЕҢІСТЕР МЕКЕНІ! 🍰✨

Бүгін Жамбыл ауданының жас кондитерлері үшін ерекше күн болды! 2026 жылғы 26 ақпанда Жастар ресурстық орталығы ұйымдастыруымен нағыз шеберлердің додасы — «CAKE LAND» аудандық байқауы өтті.

Байқаудың басты мақсаты — жас таланттардың шығармашылық әлеуетін ашу, заманауи кондитерлік тәсілдерді насихаттау және үздіктерді ынталандыру. Бұл шара жас шеберлерге өз өнерін паш етіп, тәжірибе алмасуға зор мүмкіндік сыйлады.

7 қатысушы — 7 түрлі шедевр!

 Әрбір туынды өзіндік дизайнымен, креативті безендірілуімен және ерекше дәм үйлесімімен қазылар алқасы мен көрермендерді тәнті етті. Қатысушылар торт әзірлеуде шеберлікпен қатар эстетикалық талғам мен заманауи трендтерді ұштастыра білді.

Дегенмен, бәсеке бар жерде — жеңімпаз бар:

 1-орын: Төлеген Көркем

 2-орын: Аман Малика

3-орын: Исақұл Жанерке

Жеңімпаздар ақшалай сыйлықтармен марапатталып, өз шеберліктерін дәлелдеді. Байқау барысында барлық қатысушыларға алғыс хаттар табысталып, олардың еңбегі жоғары бағаланды.

Тәтті додаға қатысқан барлық жастарға шығармашылық шабыт, тың идеялар және жаңа жеңістер тілейміз!