Заң және тәртіп қағидаты аясында “Жастар арасындағы лудомания, есірткі және киберқылмыстар

Заң үстемдігі және жастар болашағы: Кешенді іс-шаралар атқарылуда

Жамбыл ауданында «Заң және Тәртіп» қағидатын іс жүзінде асыру, жастардың құқықтық сауаттылығын арттыру және әлеуметтік жағдайын жақсарту мақсатында бірқатар ауқымды іс-шаралар өтті.

Қоғам дертімен күрес: Лудомания, есірткі және киберқылмыс

Жастар арасында белең алған заманауи қауіптердің алдын алу мақсатында «Жастар арасындағы лудомания, есірткі және киберқылмыстар. Оның заң алдындағы жауапкершілігі» тақырыбында танымдық кездесу ұйымдастырылды.

Кездесудің басты мақсаты: жас буынды жат әдеттер мен тәуелділіктен қорғау арқылы қауіпсіз, саналы және жарқын болашағы бар қоғам қалыптастыру. Жиын барысында заңгерлер мен мамандар бұл қылмыстардың тек жеке адамға ғана емес, тұтас мемлекет қауіпсіздігіне тигізер зардабын түсіндіріп, заң алдындағы қатаң жауапкершілік туралы ескертті.