«Сыр сұхбат» айдары | Халықаралық қарттар күніне орай

«Сыр сұхбат» айдары | Халықаралық қарттар күніне орай

1 қазан – Халықаралық қарттар күніне орай Жамбыл ауданы әкімдігінің ішкі саясат бөлімінің «Жастар ресурстық орталығы» КММ-нің ұйымдастыруымен өткен «Сыр сұхбат» айдарының кезекті қонағы – Жамбыл аудандық ардагерлер кеңесінің төрағасы Сырлыбаев Бақыт Уәлиұлы болды.

Сұхбат барысында Бақыт Уәлиұлы жастардың қоғамдағы орны, ел болашағы үшін жасалып жатқан игі бастамалар, сондай-ақ аға буын мен жас ұрпақ арасындағы байланыс пен тәрбиенің маңыздылығы жайында кеңінен ой қозғады. Ардагер ретінде өз тәжірибесімен бөлісіп, жастарға өмірлік бағыт-бағдар беретін кеңестер айтты.

Сонымен қатар, Бақыт Уәлиұлы барша аудан тұрғындарын Халықаралық қарттар күнімен құттықтап, үлкендерге құрмет көрсету – адамгершіліктің, ізеттіліктің белгісі екенін атап өтті.

Мақсаты: 

– Аға буынның өмірлік тәжірибесін жастарға үлгі ету; 

– Ұрпақтар арасындағы сабақтастықты нығайту; 

– Жастардың тәрбиесі мен қоғамдық белсенділігін арттыру.