«JAMBYL CUP – 2025» кіші футбол турнирі

«JAMBYL CUP – 2025» кіші футбол турнирі 

«JAMBYL CUP – 2025» кіші футбол турнирінің қорытындысы Ұлағатты ұстаздар мерекесі қарсаңында аудандық білім беру саласы қызметкерлерінің арасында бірлік пен ынтымақтастықты нығайту, сондай-ақ салауатты өмір салтын кеңінен насихаттау мақсатында «JAMBYL CUP – 2025» атты кіші футбол турнирі жоғары деңгейде ұйымдастырылды. Аудан мектептерінің мұғалімдерінен құралған командалар жасыл алаңда өзара кездесіп, тартысты да қызықты ойын өрнегін паш етті. Әрбір өткізілген матч тек қана спорттық шеберлікті айшықтап қана қоймай, ұстаздар қауымының өз кәсіби міндетімен қатар қоғамдық-мәдени және спорттық өмірде де белсенді екенін айғақтай түсті.

Турнир барысында достық рухы мен командалық ұйымшылдық ерекше көрініс тауып, қатысушылар арасында өзара сыйластық пен ынтымақтастық қарым-қатынасы одан әрі нығая түсті. Бұл шара ұстаздардың жұмыс уақытынан тыс уақытта бірігіп, салауатты бәсекелестікке түсуіне тамаша мүмкіндік берді.

Салтанатты шараның соңында жеңімпаздар мен жүлдегерлер дипломдармен және бағалы сыйлықтармен марапатталды. Турнир қатысушылардың көңілінен шығып, ұмытылмас әсерге толы, көтеріңкі көңіл-күймен өз мәресіне жетті. Бұл шара аудан өміріндегі маңызды спорттық оқиғалардың бірі болды.